Leonidas (已結業)

今日同朋友行過海港城見到呢間鋪頭嘅馬卡龍都幾大粒 而且都擺得好整齊 覺得個感覺會係幾好 所以就同朋友不約而同地話不如試吓依間嘅馬卡龍 呢度嘅馬卡龍＄20一粒都有好多口味揀 我問店員有咩推薦佢話佢覺得raspberry 好好食唔會好甜 但佢話好多客人買雲呢拿同朱古力 最後我就選擇信店員 買咗紅色嘅呢一個raspberry 而我朋友就買咗檸檬口味 本身我以為raspberry 會帶有少少酸 點知係冇嘅 朋友都話佢個檸檬味唔係好出但係就覺得啱啱好 因為佢話覺得如果在好突出個檸檬味嘅話就會變得好怪