啤酒園

營業中

休息中

昨晚又去咗跑馬地馬場欣賞賽事，啤酒園非常熱鬧，人頭湧湧，我再行去小食攤位，留意到已經冇咗天多利烤雞飯同埋咖喱牛腩飯，而換上另外兩款，分別係紅酒燴牛肋條飯同埋印度番茄咖喱雞飯，由於我昨晚心血來潮想食牛肉，所以到最後我就點咗個紅酒燴牛肋條飯，味道香濃，牛肋條軟淋入味，而且帶有少少筋位，紅蘿蔔又係煮到淋身，有一種入口即溶嘅感覺，白飯稍為凍咗D，但係都可以接受，牛肋條有4大件，以$52元嘅價錢，仲要喺一向偏貴嘅馬場入面嚟講，真係算抵食，而且仲可以叫多飯，如果換轉係喺銅鑼灣其他嘅餐廳，$52元想食個同等份量嘅紅酒燴牛肋條飯，發夢未免太早丫吖嘛