龍鳳號 (裝修中)

觀塘區有好多台灣餐廳，今次黎龍鳳號食飯，因為俾佢個古式裝修風格吸引左，未食已經幫佢影左幾張靚相。古早味魯肉飯 $38飯量好多，魯肉都有好多，每啖飯都可以有魯人伴隨食，唔洗擔心食食下得番白飯。惹味肉燥乾拌新竹米粉 $38米粉幼滑唔乾硬，撈肉燥一齊食好香口，雖然叫乾拌，但我唔覺得佢乾爭爭，因為有肉燥醬汁。鹽酥雞 $42雞肉係大大粒！同其他餐廳唔同，啖啖肉，一大兜，熱辣辣好香脆。台式烤香腸 $32估佢唔到，我以為只有香腸，點知會有生蒜，哈哈！一啖香腸一啖生蒜原來係咁夾！台式松花皮蛋豆腐 $42一向鍾意皮蛋豆腐既我，覺得呢間個味道整得幾好味。