為食龍 (已搬遷) 新店位置

呢間小店以做外賣為主 雖然只有少量企位提供俾堂食嘅客人 但好多人都好似我咁唔介意企喺度食😝⠀⠀佢哋最有人氣嘅腐皮壽司我冇試到呀 反而我對車仔便當(HKD72起)興趣大啲 17款食物裡面揀3款 我選擇咗牛油果 帶子 同埋鰻魚 3款唔夠食嘅話可以加錢 每款食物最低由$8起 每款便當跟一杯煎茶或麵豉湯⠀⠀自選便當食物中規中矩 無特別令人留下深刻印象 亦唔難食 我相信我會再幫襯嘅 試吓好評極多嘅腐皮壽司都好⠀⠀另外 唔好睇佢哋鋪頭細細咁 其實有好多打卡位 趁等緊食物嘅時候不妨影多幾張相啦😂😂⠀⠀⭐️店舖只收現金