壽司郎 (Mikiki)

營業中

休息中

壽司郎大家一定唔陌生，壽司價錢算親民，不過就要大排長龍，依家有手機APP可以睇到排隊號就好多了。一向覺得壽司質素中規中矩，今次就試吓其他食法，烏冬+甜品😛牛肉烏冬肥牛油腐皮，份量較少，味道普通。我諗佢都唔預你只食一碗烏冬😂炸蝦天婦羅烏冬炸蝦放係湯烏冬面，經過運輸帶，去到手上已經淋過濕水毛巾。可唔可以係分開上呢🤔卡達拉娜識食一定叫嘅甜品👍🏻面頭有脆焦糖，本體係似硬身雪糕，芝士奶味濃厚，大推介👏🏻👏🏻朱古力香莓芭菲新地軟雪糕，有brownie，有唔少紅黑莓，有蛋糕底，口感豐富，唔錯。蜜瓜味雪葩（期間限定）$12好抵食，不過隻味好人工蜜瓜味。今次呢個另類食法都唔錯，6/70蚊可以有一碗烏冬加甜品，食得開心。