影片
更多
2024-05-24
3256 瀏覽
中同聚又來了，近排天氣好唔穩定，都盡量會揀啲唔洗喺室外行太遠嘅地方。今次試去太古廣場試越南嘢。menu印喺餐枱紙上面，一坐低，職員就叫我哋 scan menu 上面嘅 QR code睇中文餐牌。太耐無見啲朋友，一坐低互相update近況，傾咗5分鐘左右，職員已經走過嚟2次問我哋落單未😮💨見到我哋傾計，無scan QR code，又覺得好炆，重覆幾次叫我哋快啲scan😑
職員咁心急，我哋唯有即刻睇menu，當我哋討論緊揀咩食物嘅時候，職員又再走過嚟問我哋想食咩，又問食唔食牛呀，我哋只好即刻落單，食餐飯都要無端端俾人chur🤦🏻♀️BÚN MOC - $138其中一個朋友唔食牛，佢就叫咗一份豬骨香菇湯麵。湯麵嘅份量大，配料又多，有豬肉丸、豬肉香菇丸、扎肉、草菇、鵪鶉蛋、五花腩、炸乾蔥，仲有大量芫荽。偏食嘅朋友當然係第一時間，將所有芫荽轉移去食芫荽嘅朋友度😝講返個湯麵先，湯底睇落好清，但係好濃味。唔會太咸，亦無豬肉嘅羶味。豬肉丸 同 香菇丸 都好彈牙，五花腩真係肥瘦平均，唔會食到成口油。BÁNH MÌ TRUYỀN THỐNG - $118哩個係朋友極力推介嘅豬肉越南包。配料咩都有啲，有扎
今次試去太古廣場試越南嘢。
menu印喺餐枱紙上面，一坐低，職員就叫我哋 scan menu 上面嘅 QR code睇中文餐牌。
太耐無見啲朋友，一坐低互相update近況，傾咗5分鐘左右，職員已經走過嚟2次問我哋落單未😮💨
見到我哋傾計，無scan QR code，又覺得好炆，重覆幾次叫我哋快啲scan😑 職員咁心急，我哋唯有即刻睇menu，當我哋討論緊揀咩食物嘅時候，職員又再走過嚟問我哋想食咩，又問食唔食牛呀，我哋只好即刻落單，食餐飯都要無端端俾人chur🤦🏻♀️
BÚN MOC - $138
其中一個朋友唔食牛，佢就叫咗一份豬骨香菇湯麵。
湯麵嘅份量大，配料又多，有豬肉丸、豬肉香菇丸、扎肉、草菇、鵪鶉蛋、五花腩、炸乾蔥，仲有大量芫荽。
偏食嘅朋友當然係第一時間，將所有芫荽轉移去食芫荽嘅朋友度😝
講返個湯麵先，湯底睇落好清，但係好濃味。
唔會太咸，亦無豬肉嘅羶味。
豬肉丸 同 香菇丸 都好彈牙，五花腩真係肥瘦平均，唔會食到成口油。
BÁNH MÌ TRUYỀN THỐNG - $118
哩個係朋友極力推介嘅豬肉越南包。
配料咩都有啲，有扎肉、五花腩、肉鬆、青瓜、酸菜，同芫荽。
越南菜都好鍾意落芫荽🤔
個包烘到脆脆，每款配料都好夠味，放埋一齊好惹味。麵包已經預先切半，進食嘅時候方便啲，同朋友share交換食都好方便。
包嘅份量對於女仔夠食，男士可能食湯麵會飽啲。
BÁNH MÌ THỊT GÀ NUỚNG - $108
我自己就揀咗雞肉越南包。
配料種類無豬肉包咁多，有雞肉、青瓜、酸菜，同大量芫荽🙈，好快手即刻夾走哂🤣
雞肉好嫩，雞肉包同豬肉包一樣，麵包搽咗肝醬同蛋黃醬，越南法包烘到好脆。
雖然兩款包啲配料都裝到滿滿，但係食嘅時候，唔會跌到周圍都係，算係易食嘅包。
CÁNH GÀ CHIÊN - $98
GỎI CUỐN TRUYỀN THỐNG - $98
我哋每人叫咗一個主食自私食，再叫咗兩款小食。
一個炸雞翼，一個米紙卷。
炸雞翼脆漿外皮食到有啲牛油味，但係炸粉好厚，而且食落去成口油，結果我哋撕走哂個炸粉。
炸雞翼係全翼連埋雞翼尖，所以進食有啲唔方便，雞肉無乜味，都唔係特別嫩。
我哋一致認為成個小食最好味係啲焗花生🤦🏻♀️
另外一個小食係比較common嘅米紙卷。
餡料揀咗扎肉、鮮蝦，除咗肉類，仲有生菜 同 芽菜。
平時食米紙卷都係配一個比較稀嘅醬汁，哩間餐廳係俾海鮮花生醬。
米紙卷本身無咩味道，但係個醬幾好食。夾埋一齊食都可以，不過就無咩特別，唔係特別出色。
整體用餐體驗都係一般，一開頭入座嘅時候，俾職員不停催落單，而且環境較嘈。
枱與枱之間係有啲距離，其他食客講嘢都唔係好大聲，都聽唔到其他人嘅對話內容，但係成個環境就好嘈，加上餐枱比較深，唔係好聽到對面朋友講嘢🙈
主食味道同份量都唔錯，相對小食嘅水準就差啲，結論係可以skip小食😮💨
暫時會將哩間餐廳放入「無下次」系列。
張貼
