海南少爺 (已結業)

尋晚己經稔定明天去海南少爺食午餐，12点左右去到唔駛等位入到埸得我哋一枱客，一坐低侍應就攞個餐牌過嚟我睇睇，我覺得無冇選擇只得set餐，都唔緊要啦但係一睇只得10欵咁多，想食炒麵得一欵都唔緊要啦，問侍應唔要辣得唔得？侍應答係無唔辣，想要唔辣就轉炒貴刁啦。食嘢方面：我哋就點左以下幾欵....2客海南雞飯套餐.再加＄40可配黑羅白糕＋4串沙嗲：Ｄ雞完全無海南雞味，湯得幾粒杞子嘅Ｘ精湯，飯又唔夠香，隻碗好熱，似係微波爐加熱咁，黑羅白糕淡茂茂，雞.牛串乾爭爭！！沙嗲醬甜耶耶！！炒貴刁勁難食，蝦就得嗰爽而毫冇味道可言，河粉炒得太碎，九菜又唔熟，都唔知係炒定係撈嘅！！唯一可取就是嗰碟配菜，娃娃菜好稔同夠熱。