影片
更多
2017-07-26
1064 瀏覽
喺facebook見到𠵱間酒店做緊七月Promotion，晚市buffet有大拿拿六折，好似好抵，尤其是係俾11款Mövenpick雪糕吸引咗，就即刻訂咗位，當係黎同朋友食生日飯。但係今餐真係食到我哋把口冇停過，原因唔係因為有幾好食，係因為顧住討論點解食物質素會咁令人驚訝，幾乎全場冇一樣野係好食。老實講，其實都幾難做到。以下只略略講吓俾佢地嚇到一大跳嘅菜式。青紅蘿蔔豬骨湯：好大浸好假嘅甜味，同用代糖嘅Zero 可樂有異曲同工之妙。即煮意粉：完全冇味，明明見住廚師落咗一大匙白醬，但只見其身，不嘗其味。朋友話好似食緊無負擔嘅兒童餐。牛肉／羊肉：同樣咬唔開，撈埋一齊可以整香口膠，橫掂牛同羊都冇咩味，唔洗分得咁細。海鮮飯／咖哩飯：好假嘅甜味老是常出現，Mei埋眼完全分唔到邊個飯打邊個飯。麵包布甸／梳乎厘：甜到食唔到，每一啖都好似食一茶匙糖落口。今日中咗嘅伏真係多到不能盡錄，唯一安慰到我哋嘅只有Mövenpick雪糕，我哋唯有怒食雪糕。不過雪糕又唔係酒店廚師自己整，所以想搵個位讚下都真係唔好意思。雖然350左右嘅價值唔係貴，但係用依個價錢，食客絕對可以食到好多其他令人感動愉悅嘅食物。唔知道廚師會
以下只略略講吓俾佢地嚇到一大跳嘅菜式。
青紅蘿蔔豬骨湯：好大浸好假嘅甜味，同用代糖嘅Zero 可樂有異曲同工之妙。
即煮意粉：完全冇味，明明見住廚師落咗一大匙白醬，但只見其身，不嘗其味。朋友話好似食緊無負擔嘅兒童餐。
牛肉／羊肉：同樣咬唔開，撈埋一齊可以整香口膠，橫掂牛同羊都冇咩味，唔洗分得咁細。
海鮮飯／咖哩飯：好假嘅甜味老是常出現，Mei埋眼完全分唔到邊個飯打邊個飯。
麵包布甸／梳乎厘：甜到食唔到，每一啖都好似食一茶匙糖落口。
今日中咗嘅伏真係多到不能盡錄，唯一安慰到我哋嘅只有Mövenpick雪糕，我哋唯有怒食雪糕。不過雪糕又唔係酒店廚師自己整，所以想搵個位讚下都真係唔好意思。雖然350左右嘅價值唔係貴，但係用依個價錢，食客絕對可以食到好多其他令人感動愉悅嘅食物。唔知道廚師會唔會食番自己整嘅嘢食？如果唔會，真係誠意邀請你哋自己試下。我相信你哋試過嘅話，依啲食物應該唔會再出現喺餐廳個盤上面。
張貼