影片
更多
2019-03-27
1048 瀏覽
TOOLSS都開左有幾年，記得初初開個時係得一間細細既鋪位，903 DJ經常去，成日推介佢既紫薯latte同抹茶latte。個時就同好姊妹去潮聖，抹茶latte明顯用上比較低級既抹茶粉，飲落唔係回甘，亦都唔夠濃。紫薯latte重比佢淡啲添，所以都無再點去，第二次去係因為見佢同人合作出rose latte配真花曲奇，就去左次，自從就無去過。事隔幾年之後，又再去同好姊妹去深水埗覓食，估唔到佢佢提議再黎呢度。宜家個menu真係好唔reader-friendly，英文字同中文字唔同方向，而且佢係由左至右，好難睇，研究左一陣先知唔係左至右口睇。好姊妹話食all day breakfast，其實我出街唔會食，因為覺得樣樣野只係買返黎煎熟佢又或者就咁放落隻碟度，好唔抵食，但好姊妹話想食就陪佢食。揀左煙肉同煙三文魚，跟凱撒沙律、秋葵、薯餅同埋多士，用左個紙兜裝住。啲煙肉好唔掂，expect佢係煎到脆脆地，個樣似淥完之後係咁二煎兩野就上碟，一啲煙肉香氣都無，啲脂肪多到好似無肉食咁⋯⋯成份野最好食都係佢塊多士，用左法包🥖其他野食都麻麻地。我地叫左caramel latte 同lychee latte,好姊
我地叫左caramel latte 同lychee latte,好姊妹話完全無荔枝味，我個杯都ok，飲到啲caramel味。
之後好姊妹就話再加多個焗芝士煙肉碎薯條，而我就見到隔離兩個外國人都食緊黑色嘅burger，望落啲芝士溶得好吸引，(偷影佢地既burger)
問佢哋好唔好食，佢哋話好食所以就叫埋啦😂😂個薯條唔係炸到脆卜卜再焗既薯條，而係切到啲薯仔一條條粗條再加啲醬拎去焗，所以係焗薯但變左條狀，令我地好失望😕不過味道都ok起碼唔係難食。
portobello burger 同我見到外國人個個有啲出入，佢啲芝士溶啲，我見到我地個個唔夠溶，
同waiter講返，佢拎左入廚房，跟住再拎返番黎話打開入面都溶溶地，唔夠先再整。咁打開個包面又溶既，但真係失望😕
味道都唔係好突出，佢落左啲酸酸地既汁，似kewpie個隻沙律汁，但夾埋包一齊食麻麻地，搞到個包勁濕。我諗唔會再黎🙁🙁🙁同埋有樣野好唔方便，只可以去新鋪度點野食，原鋪度點野飲，走來走去好麻煩。
張貼
