十二味 (謝斐道)

營業中

休息中

返内地食酸菜魚是其中一個行程，太二祿鼎記漁夫人一定有一個在我行程内，可惜疫情關係，已經近1年無法返內地探佢哋。朋友發掘了一间在香港的酸菜魚連鎖店，正好一解相思之苦，晚上6點到達，店内面積不大，目测可容納50人左右，每檯2至4人，有隔板有电子测量體温，每檯距離尚可。用手機落單，先點了人見人愛酸菜魚(小辣)、葱油伴麵、口水鷄、靓仔各1。約10分鐘菜已上齊，主角酸菜魚果然無令人失望，魚片厚薄尚可，酸菜酸度適中，混和花椒及酸湯撈飯，可食兩碗靓仔，味道有内地7成水準；口水鷄正常操作，略嫌多骨小肉，只有4份1隻，份量唔上唔落；葱油伴麵只此一次；最後追加乾煸肥腸+靓仔一個，今次要成廿分鐘先上菜，紅噹噹滿滿辣椒乾，伴上有孜然粉嘅炸大腸，味道不錯，但只有11-12嚿左右，性價比低。服務正常，店員態度正常，埋單連加一剛$500，當然比内地價格略高，份量也略細，但整體味道滿意，店内亦有乾鍋供應，下次可以一試，離開時全場爆滿，有人排隊等位，下次試吓其他分店。