影片
更多
2021-12-31
982 瀏覽
.《MoMo》Chill Fat推介：🌕🌕🌕🌗🌑（5🌕最高）平時返工附近嘅餐廳已經食過哂喇，生活幾咁苦悶，今次用外賣平台落Order試下尼泊爾特色美食-《MoMo》，主食以尼泊爾餃子MoMo為主，所以餐廳名勁Match！蒸雞肉餃子配香辣薯仔 $60外貌有啲似小籠包，但皮嘅質感比較有咬口，即使外賣送到嚟公司都唔會比水蒸氣搞到糊哂，餡料比較清淡，可以配埋附送嘅酸咖哩汁一齊食，酸酸地幾開胃！而香辣薯仔個味道你一食就知道係南亞菜，嗰種特別嘅香草味令人記憶好深刻…煎豬肉餃子 $54估唔到送到過嚟個皮仲脆，好得意嘅口感，除左豬肉餡仲有小小軟骨嘅感覺，不過煎餃子嘅油有小小多，相反我中意食蒸餃子多啲…作為天水圍區少有嘅尼泊爾餃子，可以試吓，睇下會唔會刷新你對尼泊爾菜嘅認知！
《MoMo》
Chill Fat推介：🌕🌕🌕🌗🌑（5🌕最高）
平時返工附近嘅餐廳已經食過哂喇，生活幾咁苦悶，今次用外賣平台落Order試下尼泊爾特色美食-《MoMo》，主食以尼泊爾餃子MoMo為主，所以餐廳名勁Match！
蒸雞肉餃子配香辣薯仔 $60
外貌有啲似小籠包，但皮嘅質感比較有咬口，即使外賣送到嚟公司都唔會比水蒸氣搞到糊哂，餡料比較清淡，可以配埋附送嘅酸咖哩汁一齊食，酸酸地幾開胃！而香辣薯仔個味道你一食就知道係南亞菜，嗰種特別嘅香草味令人記憶好深刻…
煎豬肉餃子 $54
估唔到送到過嚟個皮仲脆，好得意嘅口感，除左豬肉餡仲有小小軟骨嘅感覺，不過煎餃子嘅油有小小多，相反我中意食蒸餃子多啲…
作為天水圍區少有嘅尼泊爾餃子，可以試吓，睇下會唔會刷新你對尼泊爾菜嘅認知！
84 瀏覽
0 讚好
0 留言
張貼
