大頭蝦東南亞料理

營業中

休息中

尋日同老公去港島區搵食，見到呢間餐廳咁多餸菜選擇就入去坐低咗。餐廳都係主打街坊生意，所以裝修服務都好親切。我早食晚飯唔多客，職員有禮貌加水快手。越式扎肉米紙卷($42)。扎肉有啲黑胡椒喺入面，所以成個卷會辣辣哋。入面有生菜，粉絲，青瓜都算足料，但係個卷皮有啲硬，要點好多汁先可以令佢淋返 。蒜蓉炒唐生菜($50)。幾欣賞佢個菜唔係淨係得蒜蓉同生菜，仲有紅蘿蔔，洋蔥，仲有三色椒，算係誠意之作。香茅豬扒飯($46)。豬扒大大塊，好足香茅味，個飯都唔會太硬太乾，配埋酸蘿蔔可以解膩。總結係，下次會試下佢其他餸，不過米紙卷就免喇。