少爺18 (已結業)

之前有比較多分店，但係陸續執笠，只剩返呢度。叫咗海南雞半隻，佢係包括一個油飯同一個湯。呢度啲海南雞都幾好食，煮得幾滑同埋冇好大浸的冰鮮味道。另外馬拉盞炒通菜，都幾有鑊氣，菜都係新鮮的。而家晚市，有一啲半價嘅小菜，所以叫多咗咖喱牛筋腩，啲牛筋非常之硬，食唔到，牛腩都可以接受，因為唔算太肥，個咖喱汁可以。環境方面都係舒服，之前試過壞冷氣，所以夏天非常之熱。不過，最近已經維修好，所以坐都係舒服，不過啲凳可以抹乾淨，因為有時都幾污糟。