呼吸咖啡茶館 (已結業)

星期日都冇得抖，做野做到過曬飯鐘冇胃口，於是，來個coffee break啦。久聞呢間店的大名，但作為一名大叔，要去呢種年輕人的駐腳點，談何容易，鼓起勇氣之先，就係要先找到大廈入口，都幾難搵。安坐在店中央的小檯，果然周圍都係後生仔女，看著店子的裝修，有格調，但比想像中殘舊。只是叫了飲品和小吃：西班牙咖啡，咖啡味出，有誠意唔係行貨，上面的雪糕食唔出咩牌子，但味道佳，略嫌冰太多成杯飲品份量有限；反而薯條份量多，炸得夠熱夠脆，非常ok，當然一班人分享就更佳啦。希望下次能結伴再來試真一下主食和飲品，在輕鬆音樂下分享咖啡的味道。