Seoulmate (京都廣場) (已結業)

有段時間成日見到好多人去Seoulmate食飯, 見到佢嘅烏卒卒火山飯, 就畀佢嘅外表吸引啦。Mark左係個to eat list好耐, 今日早收工終於的起心肝去食啦<烏卒卒火山鰻魚櫻花蝦飯$148> (好味: 3.8/5) (抵食: 4.2/5)灰色嘅小火山, 個樣嬲嬲哋, 西口西面好可愛~然後朋友趁大食妹唔為意嘅時候, 就將佢斬首啦... 一野吉爛咗個蛋黃, 蛋汁流曬落啲鰻魚飯裏面。 見到佢嘅可憐樣, 真係令人唔捨得食呀<莫卡烤自家製棉花糖(熱)$54> (好飲: 4.2/5) (抵飲: 3.8/5)軟軟嘅棉花糖配上烤焦嘅外層, 望落去令人好開胃。棉花糖有少少甜, 但莫卡味道比較淡, 兩者－齊飲可以互補不足。