반찬앤쿡 Banchan and Cook (東薈城名店倉)

營業中

休息中

芝士炸豬排魔法蛋包飯❤餐廳既招牌蛋包飯，今次仲要同BT21合作，必點呀! 蛋味白濃，口感實在得黎有層次，飯粒粒粒分明，流心芝士炸豬扒，啖啖肉，入口一D都唔膩，配上香口咖哩既味道，好味! 如果份量再大D就更好喇。辛辣肉醬年糕❤好香辣可口，年糕軟硬岩岩好，外層小小焦香，一咬入面好軟糯嚼勁，而辛辣肉醬好惹味香濃，辣度岩岩好得黎帶小小甜味，滿足!雙拼無骨炸雞❤ 雞皮香脆肉嫩好juicy，啖啖肉又唔洗去骨。底下既薯條熱辣辣，入口唔油膩。炸年糕口感亦都好煙韌，好有咬口，樣樣都即叫即炸。我地叫左雙拼口味，蜜糖同洋蔥，香甜既蜜糖同小咸香味濃既洋蔥，分開食定mix埋一齊，都係咁惹味可口!朱古力魔法甜點❤朱古力卷配上提拉米蘇牛角窩夫包，前者朱古力味香濃，入口鬆軟香甜。而牛角窩夫包口感香脆，牛油味重，夾埋雪糕同忌廉一齊食，好邪惡。魔幻星空蝶豆花蘇打❤蝶豆花溝藍莓蘇打，味道酸酸甜甜夠清新白桃甜蜜梳打❤白桃香味濃郁，一D都唔死甜唔膩，夠清爽。