Terrace in seaside (形點 I)

營業中

休息中

💖Terrace in seaside推出左全新Halloween🎃系列嘅產品，即刻去打卡先！入座會送開胃小菜，包括醃蘿蔔同醃青瓜🥒。1⃣️啖啖蟹肉千層麵🍝💖份量非常足料，千層麵咬落煙韌有嚼勁，層層分明有飽足感，中間夾住開胃嘅番茄肉醬同軟嫩蟹肉，面頭嘅濃郁芝士令味道同口感都更豐富！2️⃣韓式奶油排骨鍋🍲💖推薦！奶油鍋底非常濃稠，食落香而唔膩，排骨份量足、肉質飽滿又嫩，一咬就脫骨🤤，仲有年糕、韓式粉絲、蘿蔔同紅蘿蔔等配料，材料豐富又飽肚。3⃣️幽靈來襲！士多啤梨朱古力窩夫🧇 💖推薦！好可愛嘅賣相，四大塊外脆內鬆軟嘅朱古力窩夫，食落有朱古力嘅甘醇，面頭淋上香甜嘅士多啤梨果醬，再擠上香甜嘅鮮奶油，配上煙韌麻糬皮、朱古力眼同魔角，就係得意嘅幽靈👻造型，仲有搭配士多啤梨同藍莓添！4️⃣惡鬼荊棘海提子梳打沙冰😈💖好盞鬼得意嘅造型，提子沙冰配上朱古力眼同尾巴變身獨眼魔鬼，沙冰入口綿密，味道甜得黎又清新～5️⃣濟州金桔乳酸梳打🍊💖好靚嘅漸變色，香甜嘅柑橘味配上酸甜乳酸同爽口嘅梳打，感覺refreshing！💖元朗分店室內靚裝，室外位都非常開揚，而家天氣開始轉涼坐出面都好chill好舒服😌。