石磨坊 (已結業)

一入到舖頭, 我差唔多毫不猶豫就點了石磨坊既香芒黑糯米芝麻卷。因為之前讀過關於香港既旅遊書, 記得裡面介紹過, 當時覺得呢款甜品幾得意,就黎試一試。餐牌裡面, 呢個芝麻卷的確有 indicate 係一個熱的甜品。 (有一個括號 (熱) 字)我都無特別理會它...但食緊既時候.....就搞到我一直諗住呢個字...香芒黑糯米芝麻卷 ($26):三件包住芒果, 黑糯米既黑芝麻卷。上面淋上椰汁和撒上了一些白芝麻。芒果, 黑糯米, 芝麻卷,呢三樣食物都係我好鐘意食既食物,本來真係好期待它們組合埋一齊味道會係點。咬完一啖, 我已經開始有少少接受唔到呢個 *熱* 既甜品...因為加熱過既芒果, 一點都唔甜, 反而變得好腍同酸...黑糯米偏甜, 但食落夠煙韌, 都好味!芝麻卷因為要捲住咁多材料,特登用了兩層芝麻卷先包得實,食落有點厚...質感麻麻地,但有好香既黑芝麻味。我故意等涼了一點先食第二件芝麻卷,涼了之後食, 好似無咁甜,所以...或者雪凍呢個甜品, 風味會更佳。雖然一開始食既時候, 覺得怪怪地,但無咁熱既時候, 我真係覺得好食好多!!!即使我認為它有少少瑕疵, 我仍然好想讚賞一下石磨坊既創意,