川莊

營業中

休息中

平時食譚仔大辣，湯底當清湯飲嘅我，今日就遇到挑戰啦！ 其實今次係第二次幫襯呢間餐廳，但上次挑戰人數得三個人， 使唔晒佢嘅推介菜式， 今日五個人就可以試盡曬！上次食水煮魚超好食，今次試水煮牛，呢間餐廳用嘅係牛肩肉而唔係一般嘅滑牛， 牛味本身都比較出，再配埋辣而不鹹嘅水煮法，非常入味！ 提提大家，叫呢一個水煮牛或者水煮魚，每次可以選四個配菜， 紅薯粉丶豬紅係一定要叫，其他兩個自己諗啦！ 辣度大概就係譚仔大辣多 50% !!全日嘅重頭戲係辣椒蝦，一碟得6隻， 熱辣辣放上枱即刻放一隻入口， 第一啖咬落去勁熱，再咬開始食到辣味， 食曬成隻蝦之後開始唔對路，個口簡直係想噴火！ 飲咗半杯啤酒都幫唔到手，辣度大概係譚仔大辣嘅 10倍！ 食完隻蝦係休息咗五分鐘先可以開始食其他嘢。。。 但過咗十幾分鐘再食淨番果隻蝦，辣度竟然急速急降至譚仔中辣，所以叫完咬咗一啖食唔落去嘅人，應該等十幾分鐘先再食！另一必食推介係雞翼， 雞翼會配四款辣椒粉，上枱後由客人自己選擇， 芝士雞翼好香丶紫薯就好香口，基本上六隻都非常唔錯。