千味家 (奧海城二期)

營業中

休息中

前幾日去左奧海城睇戲，睇戲前當然要醫飽個肚先，所以就去左食food court的兩餸飯，39蚊兩個餸加湯，勝在環境舒服。我揀左咕嚕肉和茄子，個日跟的湯應該係胡椒豬骨湯。先講講咕嚕肉先，都炸得幾香脆，而且個汁的酸甜度適中，不會過酸，送飯一流，同埋不會出現配菜過多的情況，排骨的數量不會太少。不過茄子方面就差左少少，佢係入味的，但味道就一般，連我咁鍾意食茄子都覺得佢唔係太好食，所以我下次會揀其他的餸。至於個湯方面，初時飲覺得都ok的，始終有湯水送飯係比較好，但係飲耐左就覺得個味麻麻地，有少少甘味，加上湯入面無料，真係只係湯「水」，當然大家都可能覺得送的嘢唔可以太高要求啦，anyway個湯用嚟送飯都ok，但就不適合食晒就咁飲。