屋喔 (已結業)

阿豬個朋友都幾耐冇見，約出黎大家就腳d去旺角，聽人講呢間屋喔唔錯就黎試下。黎到...真係好多人 ，我地兩個等左半個鐘左近，大家食記得book位先。小食叫左鹽酥雞，幾大份，size一口過好易食，炸得好而且夠脆。鹽既分量加得唔錯，十分咸香，好味！阿豬同朋友叫左兩個dinner set +28包飲品同甜品。黑松露野菌蚵仔燉飯，黑松露味好濃，蚵仔數量都唔少又新鮮，食落有蚵仔味突出之餘又有菇味，好食！個飯吾會太咸，飯較軟身，偏濕，口感食落好creamy，食落都幾飽。跟餐甜品Cheese cake Tiramisu，阿豬同朋友愛好甜野，所以揀左Tiramisu 。外貌好得意，係盆栽咁上碟，食落Cream層好滑易溶，不過較奶，成個樣都加左分，可以講係唔錯！飲品阿豬叫左冰藍蝶花蜜莉茶，賣相十分好，同埋好甜。阿豬同朋友都俾吸引，因為冰底多，阿豬最後飲唔晒，分量十足。下次會再黎，到時食多d台式野。