饞。台式食堂 (廈門街)

營業中

休息中

啱啱喺灣仔睇咗一套舞台劇，劇中嘅演員話，香港唔同嘅地區都有一種獨特嘅味道，而我相信灣仔嘅味道就係台灣古早味！嚟到灣仔嘅饞台式食堂，餐廳走台灣文青簡約設計，食物出品充滿台灣風味，滷水同油香十足嘅滷肉飯，加上茶味香濃嘅珍珠奶茶，非常滿足。酸菜魚麵酸菜魚麵非常足料，湯底濃郁，麻椒辣味啱啱好，帶有微微嘅酸味，麻辣同酸味比例啱啱好。魚片切花，肉質鮮嫩，配合埋掛湯一流嘅麵條，真係好滿足！塔香鹽酥雞配手工滷肉飯塔香鹽酥雞新鮮炸起，外皮酥脆，內裏肉汁豐富，非常惹味。滷肉飯嘅滷肉汁濃郁，滷肉嘅脂肪同肉嘅比例啱啱好，會太過油膩。特別欣賞餐廳配上嘅沙律菜，食完鹽酥雞都唔會覺得油膩！珍珠奶茶食台灣嘢又點少得杯珍珠奶茶！呢杯珍珠奶茶有香濃嘅茶味，配埋軟硬適中嘅珍珠，口感非常豐富！