八方台式麵屋 (新都城中心二期)

營業中

休息中

新都城開了數間台式餐廳，今日同家人隨便挑選了這間「八方麵屋」試下。店舖環境較擠擁，但乾淨整齊。主食方面有半筋半肉牛肉麵，湯底有辣，台灣麵彈牙，牛筋爽口，牛腩炆得軟腍而入味。台灣肉燥麵醬汁較重口味，肉燥半肥半瘦。小食有原味煎餃，係八方雲集的煎餃，不過不失。值得一讚係花枝丸同鹽酥雞，炸得恰到好處，花枝丸真材實料，十分彈牙! 鹽酥雞外脆內滑，好juice! 肉燥青菜普通，沒有特別。飲品方面點了黑糖珍珠鮮奶，飲落充滿黑糖味，蓋過了鮮奶味。珍珠奶茶茶味濃，甜度較低，珍珠有咬口。總括而言，推介炸物及半筋半肉牛肉麵，有機會都會再食!