鐵牛台灣牛肉麵 (旺角中心第一座) (已結業)

因趕時間關係，見甘早無咩人就試吓依間。坐位都幾多，裝修簡單，首先職員會帶位，之後自己剔紙仔去收銀比錢，拎返張收據返埋位就可以等食啦！嘢食好快就到，我揀咗紅燒牛肉麵，黎得台灣食店，梗係要試下牛肉麵夠唔夠地道。牛肉都有成5至6件，咬落好淋而且好入味，有少少牛筋位，正！麵質唔算彈牙，份量都唔細。熱檸茶正常，都有3片檸檬，杯上面有埋餐廳LOGO，感覺幾搞笑。當我食咗1/3，眨眼間就座滿晒，甚至要等位添喇。