薈麵館

營業中

休息中

近年愈開愈多呢類新派點心店 今日黎到灣仔合和中心上面呢間薈面館 自己一個飲茶都唔怕尷尬 下午茶時間嚟唔太多人 設計偏向中國風 有啲園林嘅擺設 幾有趣蔥油叉燒撈麵 麵質煙韌彈牙 上面叉燒肥瘦適中 唔會韌夠晒冧 加上蜜汁一齊燒 香口惹味 仲有兩條油菜 夠曬健康呀 哈哈 蝦餃皇 有四粒大大粒 個皮係半透明 而且比皮薄餡靚 師傅手勢一流 入面有兩三隻蝦 大大隻夠曬新鮮 爽口彈牙 加上有啲爽脆嘅蔬菜(唔知係咩嚟)整體嚟講好好食 絕對係高質嘅蝦餃有蝦餃梗係要配燒賣 燒賣同樣係四粒 都幾巨型 不過略嫌肥肉太多 唔太健康 但係富有口感 入面同樣地有蝦肉豬肉