御名軒

營業中

休息中

放工約咗娘親食個晚飯，由於佢講咗好多次想食片皮鴨，於是揾咗間娘親搭個叮叮就可能去到，位於天后嘅酒樓食片皮鴨。位置好方便，勁近天后地鐵站，又多巴士到，又可以搭叮叮，非常適合家庭聚會，老人家都方便過去呀。京式片皮鴨(半隻) $98————————————有得點半隻份量實在太好啦！大概係2至4人份。鴨皮嘅部份都好香脆，啲油脂都好豐富，入口好香油脂味，用餅皮包住，加埋醬汁、京蔥一啖入口，正呀👍🏼冰鎮南非鮑魚(每隻) $58————————————處理得不錯嘅冰鎮鮑魚，入口冇雪味，亦冇未融化嘅冰碎。冰鎮後鮑魚仍然有彈性，原來上菜時已將鮑魚切成四小份，方便食用。醬汁都好特別，有芥末味，又幾夾冰鎮鮑魚架喎。勝瓜蒜蓉粉絲蒸帶子 $108————————————個粉絲底勁香蒜蓉味呀！勝瓜蒸至淋身，夠入味，帶子又滑又大粒，好滋味！荔芋滑雞煲 $108————————————芋頭份量好多，煮到有點蓉蓉嘅感覺，個汁都好正，充滿甜甜嘅芋頭香，好Creamy，好送飯。呂宋芒果布甸 $28————————————最後食返個經典甜品😋細個去酒樓唔敢舉手同屋企人講想食芒果布甸，大個咗就可以啦🤣係童年嘅味道。