蓮苑 (已結業)

嚟到尖沙咀，諗唔到食乜，見呢間用小丸子做主題，我亦重未幫襯過，不如試試。已過2點，可選下午茶，我揀了黑松露雲吞湯麵加紫菜雞卷，餐飲熱檸茶（$68）。由於餐廳是以小丸子為主題，所以無論裝修丶墊紙等都可以見到好多小丸子及家人的圖像，十分之可愛。紫菜雞卷先上，樣子望落OK，雖然感覺燶了少少，因表面炸至深黃色。味道卻唔錯，雞肉滑溜，外加紫菜，食起嚟又香又脆。👍🏻👍🏻我很少食雲吞麵，但望落去都幾正宗，有菜心在旁及上面加咗韮黃。麵條幼滑彈牙，湯底味不濃（即冇乜味精），雲吞有四粒，咬開有全隻蝦，加了少黑松露，香口。雖然蝦味不濃，也是一碗地道的雲吞麵。😋😋😋熱檸茶是正常份量及味道。最後一提，其環境較逼及多雜物，若能整理一下，會坐得較舒服。