影片
更多
2018-06-28
4779 瀏覽
一入到去，第一個感覺就係有好多畫/相/藝術品，令到餐廳俾到一個高尚感覺食客。一坐低，我同事就話：「呢度好多外國人！」的而且確冇錯，裏面七成以上都係外國人。水杯有唔同顔色，放喺白色枱布上邊，增加左色彩，同時又唔會覺得太俗。麵包外脆內軟加有啲煙韌，牛油啲味又好濃。上菜時，有兩個侍應盡可能同一時間上菜俾所有客人。食完嗰陣時，亦都係兩個侍應盡可能同一時間收晒所有人嗰嘅碟。有啲質素冇咁高嘅餐廳，就算有部份客人未食完，侍應係唔應該先收咗一個人嘅碟，但係咁做其實係唔正確嘅，因為會俾到未食完嘅客人一個吹佢地快啲食完嘅感覺。侍應有不停問我地需唔需要加多啲麵包。頭盤係 hamachi，俾到我好清新嘅感覺，又有啲似 Nobu 嗰個 hamachi，酸酸地。不過呢度嗰個hamachi有少少油，不過都唔會覺得太油。但係當然換來嘅就係滑一啲感覺，同埋呢度嗰個係唔辣嘅。輪到主菜，我叫咗牛扒。係叫之前我我哋都唔知道 bavette 係乜嚟㗎，所以我哋都要向Google神請教。叫嗰陣時，牛扒嘅生熟程度冇得揀，好似有啲唔習慣。但係上菜時，你都唔會覺得太過生，牛扒有牛肉味，外邊好脆，裏邊好林。我之前都係食過一次牛扒外邊可以
一坐低，我同事就話：「呢度好多外國人！」的而且確冇錯，裏面七成以上都係外國人。
水杯有唔同顔色，放喺白色枱布上邊，增加左色彩，同時又唔會覺得太俗。
麵包外脆內軟加有啲煙韌，牛油啲味又好濃。
上菜時，有兩個侍應盡可能同一時間上菜俾所有客人。食完嗰陣時，亦都係兩個侍應盡可能同一時間收晒所有人嗰嘅碟。有啲質素冇咁高嘅餐廳，就算有部份客人未食完，侍應係唔應該先收咗一個人嘅碟，但係咁做其實係唔正確嘅，因為會俾到未食完嘅客人一個吹佢地快啲食完嘅感覺。
侍應有不停問我地需唔需要加多啲麵包。
頭盤係 hamachi，俾到我好清新嘅感覺，又有啲似 Nobu 嗰個 hamachi，酸酸地。不過呢度嗰個hamachi有少少油，不過都唔會覺得太油。但係當然換來嘅就係滑一啲感覺，同埋呢度嗰個係唔辣嘅。
輪到主菜，我叫咗牛扒。係叫之前我我哋都唔知道 bavette 係乜嚟㗎，所以我哋都要向Google神請教。叫嗰陣時，牛扒嘅生熟程度冇得揀，好似有啲唔習慣。但係上菜時，你都唔會覺得太過生，牛扒有牛肉味，外邊好脆，裏邊好林。我之前都係食過一次牛扒外邊可以咁脆，果次就係喺日本食和牛鐵板燒。普通牛肉可以做到咁脆，我都係第一次食。如果可以俾6粒星，我都會俾6粒星。
配菜方面，有啲窿咗一邊嘅生菜，但係食落去有啲唔係好食到窿味，好特別。唔知係咪西餐好少食煮熟嘅生菜，食咗呢個生菜即刻感覺到食緊fusion cuisine 嘅感覺。
生菜底下有啲薯仔，佢唔係一般嘅mash potato，佢係partially mashed potato，食落去有啲質感同埋落咗好多牛油所以味道好夠。
平時我哋出去食 team lunch基本上所有人都會揀牛扒去叫。但係今日其中一個同事竟然冇叫到牛扒。佢解釋話：「因為我去日本食得太多牛扒，所以今日唔食。」老實講，佢冇叫牛扒真係佢嘅損失。
整體感覺，一粒米芝蓮星太少了，兩星指日可待。
總結
- 用咗好多畫/相/藝術品做佈置，有一個高尚感覺
- 多外國人
- 上菜時，有兩個侍應同時間上菜
- 食完嗰陣時，亦都係兩個侍應同時間收碟
- 侍應有不停加麵包
- 推介：麵包，hamachi，牛扒（超好食）
- 我同事冇叫牛扒，真係佢嘅損失
- 兩粒米芝蓮星指日可待
Hamachi
247 瀏覽
0 讚好
0 留言
牛扒
189 瀏覽
1 讚好
0 留言
張貼
