譚仔雲南米線

營業中

休息中

好多人以為連鎖店間間都一樣，食物一樣，味道都一樣，但係其實唔係㗎，就好似譚仔咁樣，由於响佐敦附近工作，所以通常會食其中兩間，一間就係位於佐敦嘅分店，另外一間就係位於九龍站嘅分店，兩間味道同質素就好唔同啦，佐敦呢間幫襯咗好多年，個個禮拜都要嚟食一次，覺得非常之好味，但係九龍站嗰間就差好遠，佢開咗唔係好耐，無論係食物賣相同味道都相差好遠，好多人喺譚仔食小食，都會揀土匪雞翼，我自己就另外有選擇啦，我自己最鍾意就係嗰隻雞腳筋，新出嘅，非常之爽口，另外亦都好鍾意蒜泥白肉，好大份量嘅蒜蓉，好好味，米線方面通常我都會揀套餐，因為乜嘢都有得食吖嘛，佐敦呢間水平維持得好好，同九龍站嗰間爭好遠。