阿肥火鍋 (已結業)

呢排天氣凍到面都青(可能係因為衫著得少），所以決定要去打邊爐尋求一點溫暖啦！我地揀咗養生松茸菌昆布湯鍋，我地打邊爐就偏愛清少少嘅湯底。我見其他湯底都好濃郁好足料，鐘意濃湯嘅都可以試下花膠雞湯，海鮮湯，都有嘅。我地兩個人，所以啲嘢食叫得唔多，但我地都覺得味道唔錯嘅。自家鮮制四寶丸：我就最中意食蝦丸，彈牙鮮甜，好味！朋友就比較中意食黑豚肉丸，口感鬆軟。鮮蝦黑松露餃：味道濃郁鮮香，大大個，好足料。豬朋好友：豬類部位嘅拼盤嚟嘅，包括日本豚肉和幾款豬內臟，內臟都處理得幾乾淨，食落都新鮮嘅。黑鮮腐竹：第一次食黑鮮腐竹，樣睇落係黑少少，但我都食唔出同正常嘅腐竹有咩分別，哈哈。份量對於我地兩個嚟講就啱啱好。環境就比較細嘅，但勝在裝修特別，鐘意啲復古裝修餐廳嘅就啱去啦。