影片
更多
2009-07-25
呢間野雖然係我附近，但我真係好少去，每次經過都見到好多人排隊，真係好好奇係咪真係咁好食，今日終於黎左呢度飲茶試下，但個結果係覺得未必會再黎食......我地大概兩點幾去到，都唔駛等位，即刻有，但要搭檯就真既，不過都無咩所謂。環境算幾好，寬闊又夠冷氣，咁熱無冷氣既話會好辛苦架嘛。叫左幾樣野食，即係你唔會覺得佢好難食，但每一樣野都梗有d可以批評既地方，無咩邊樣野係有讚無嘆....真係唔係太好食呢!招牌流沙包呢個一定叫架啦，佢成日都賣哂廣告，以我咁鍾意流沙包既人係一定會叫黎食既。我覺得佢個餡係幾好既，一咬落去即刻流哂出黎，甜度又ok，但個問題係個包皮勁厚，而且好硬...唔夠軟熟.......變左食到尾覺得好口乾，所以唔算係真係好好。叫左個大芥菜鹹豬骨粥，呢個就係個粥唔太入味，你食落去所有味道係分開既，食粥得粥味，食豬骨有豬骨味，但唔係融會埋一齊...而d芥菜唔太靚，有渣既，所以又係麻麻地。之後仲叫左個老家蜂巢糕，呢個食落去有D馬拉糕既味道，不過佢太甜啦，食完係勁漏唔想食其他野，如果個味道淡返D會比較好，而且個糕幾淋下，無咩口感。最後叫左個籠仔鳳爪排骨飯，份量幾大下，我地兩個人完全食唔哂。落左
我地大概兩點幾去到，都唔駛等位，即刻有，但要搭檯就真既，不過都無咩所謂。環境算幾好，寬闊又夠冷氣，咁熱無冷氣既話會好辛苦架嘛。
叫左幾樣野食，即係你唔會覺得佢好難食，但每一樣野都梗有d可以批評既地方，無咩邊樣野係有讚無嘆....真係唔係太好食呢!
招牌流沙包呢個一定叫架啦，佢成日都賣哂廣告，以我咁鍾意流沙包既人係一定會叫黎食既。
我覺得佢個餡係幾好既，一咬落去即刻流哂出黎，甜度又ok，但個問題係個包皮勁厚，而且好硬...唔夠軟熟.......變左食到尾覺得好口乾，所以唔算係真係好好。
叫左個大芥菜鹹豬骨粥，呢個就係個粥唔太入味，你食落去所有味道係分開既，食粥得粥味，食豬骨有豬骨味，但唔係融會埋一齊...而d芥菜唔太靚，有渣既，所以又係麻麻地。
之後仲叫左個老家蜂巢糕，呢個食落去有D馬拉糕既味道，不過佢太甜啦，食完係勁漏唔想食其他野，如果個味道淡返D會比較好，而且個糕幾淋下，無咩口感。
最後叫左個籠仔鳳爪排骨飯，份量幾大下，我地兩個人完全食唔哂。落左豉油都係好淡，而且D排骨無咩肉，食落去好多都係得舊骨......感覺又係唔太入味，即係D味道係各有各分開既，你唔會話佢難食，但真係唔好食囉。
總括每一樣野都有D可以批評既地方，而且真係完全同好食有一段距離，價錢又唔係太平，所以覺得未必會再黎啦。byebye。
張貼
