元気寿司 (粉嶺名都商場)

營業中

休息中

今晚難得唔使返工, 我同媽咪去咗粉嶺名都商場既元氣壽司食壽司。 其實佢都開咗好耐 , 只不過我平時只係食爭鮮, 難得今日同媽咪出嚟食飯就食好啲。 我哋去到餐廳已經係晚上八點鐘左右, 已經過咗最高峰嘅食飯時間 , 所以我哋唔係等咗好耐就有位。 唔知幾時開始 , 呢間元氣壽司都變埋有高速線, 媽咪感到非常新鮮。 由於媽咪唔喜歡食生嘢, 佢食嘅壽司大部分都係熟嘅壽司, 而我就照食生嘅壽司。 另外我哋都嗌咗啲小食, 無論生熟壽司嘅質素都唔錯。魚味非常新鮮, 又有口感。 買單最後二百幾蚊, 媽咪表示好滿意, 之後應該會再來。