富臨皇宮 (已結業)

今日同婆婆 一家人去到元朗富臨到食晚飯生日嘅夜晚嚟唔太多人 唔使等位 侍應姐姐服務好周到首先叫咗個原窩燉湯 金銀菜燉白肺 入面好多料 有豬肺 老雞 豬肉 同金銀菜等等 姐姐會幫你將入面嘅餸拎曬出嚟 可以再點豉油食 啖湯好清甜無味精 滋潤養顏金裝拼盤 又脆卜卜嘅燒腩仔 肥瘦適中 仲有酥炸豆腐 夠曬滑溜 同埋素鴨 仲有煙鴨胸古法羊腩煲 羊腩煲下面有個gas爐熱住 慢慢食都唔怕凍曬 夠曬風味 而且好足料 勁多羊腩同馬蹄 仲有我最愛嘅支竹 食完成個人暖笠笠海參花菇扣玉掌 花膠勁大塊 好似唔使錢咁 不過就係爽口嗰隻 未夠冧身 花菇厚肉 鵝掌炆得夠入味 夠林西蘭花帶子珊瑚蚌 帶子同珊瑚蚌炒得好夠鑊氣 爽脆唔會過熟 西蘭花係翠綠色 好靚生煎菜肉包 呢度嘅生煎包係即叫即煎 夠曬新鮮 入面好多肉汁 而包皮唔會好油 超正