伊甸 (已結業)

呢間位於觀塘工廈嘅台式人氣Cafe—Eden 同茶飲店賞茶合作，喺餐廳內享用台式便當之餘，都可以飲到各款台飲！賞茶飲品選擇好多，有純茶、奶茶、奶蓋茶、果茶等，而家飲品可以免費升級做波霸奶茶，其他台式飲品跟餐都係加$15咋，好抵！食物選擇都唔少：鹽酥雞扒台式香菇肉燥新竹米線配涼拌小食($77)份量超多！鹽酥雞扒非常大塊，查得酥脆，肉質保持嫩滑，毫不嚡口！新竹米線都好大碗，麵條滑溜，面頭淋上大量肉燥，好送麵， 配上涼拌小食，清新開胃。波霸奶茶可以選擇冰量及甜度，我覺得店員真係有跟足客人要求！波霸大粒煙靭，口感Q彈有口感，奶茶嘅茶底好香濃，同奶香好平衡！