奈雪の茶 (已結業)

同肥B喺山頂行到熱辣辣，要去買返杯凍飲中和吓先得！聽人講呢間奈雪之茶喺深圳好出名嘅，咁啱喺山頂見到，又點可以唔試吓呢！咁就揀呢間啦！都幾多人排隊......簡單講吓呢度嘅環境先，全店面積唔算大，裝修設計得比較簡約，主要以白色為主調，配以灰色凳。當日好多人叫楊枝金露寶藏茶，肥B都係，但我偏偏就揀咗個 - 霸氣冰淇淋牛油果，我等咗二十分鐘，滿心歡喜咁迎接我嘅“冰淇淋”，最後先知道原來只係一款沙冰飲品！名不乎實！好失望！而且顏色同賣相都唔討好！味道方面，清清淡淡，放咗一層椰奶喺底，飲飲吓會食到少少啫喱，雖然有點嚼勁，但整體嚟講無咩突出！唔值呢個價錢！今次我好明顯係比個名欺騙咗🤧，所以選擇錯誤。我絕對唔推介呢個霸氣冰淇淋牛油果！名不乎實兼勝價比低！但肥B話楊枝甘露寶藏茶唔錯，如果有機會我都會試吓嘅，到時再試埋佢既麵包！