深井陳記燒鵝海鮮酒家

營業中

休息中

提早食冬至飯，唔想媽咪咁辛苦煮～出去食又怕多人喎，所以揀咗位於深井嘅陳記燒鵝搭小巴喺麗都花園落車就見到～超級容易搵～去到門口，伙記好有禮咁問我哋幾位～之後安排咗我哋坐出面圓枱，好讓我哋容易傾計食嘢～原本想叫一隻燒鵝嘅～但見到原來仲有好多精美小菜～心思思又想試吓喎～所以到最後叫咗半隻燒鵝，留位食更多其他嘅小菜～馳名深井陳記燒鵝(半隻)諗住半隻唔係好多，原來都幾多架喎～就連鵝頭都切半個比我哋～好肥美，好多肉，燒鵝皮好脆～味道同出面什麼燒鵝餐廳好味好多～配搭佢個酸梅醬十分出色(覺得自家製)果然係出名嘅燒鵝～好味～竹笙海皇羮雖然餐牌上推介嘅係韮王瑤柱羮但我比較喜歡竹笙果然無揀錯，外貎好吸睛～味道清甜得嚟帶有有蛋白味～好多竹笙，每一啖都咀嚼到竹笙～好飲得嚟又有口感，非常讚啊～酥炸秋葵本身都幾鐘食秋葵，見到酥炸咁有創意～緊係叫嚟試吓～食落無咁勁滑潺潺感覺～秋葵味保留住，滿足到我想食秋葵又想炸嘢嘅諗法～椒鹽九肚魚炸到啱啱好，又唔會辣到口～九肚魚超級滑～正啊～牛油芝士中蝦煲(伊麵底)咁凍天氣見到滾滾上枱，成個人食慾大增！香噴噴嘅牛油味配上伊麵，食咗成個人都暖粒粒～大蝦超級大隻，數量比想像中多啊～👍👍上