影片
更多
2023-04-12
1646 瀏覽
話說之前見有傳媒介紹，呢間係香港所餘無幾，仲有🥟點心車仔同🍵懷舊點心嘅酒樓~同朋友講起，大家都有D興趣，見今日放假，就去飲早茶了😎朋友雖然有興趣，但只係平常飲茶嘅心態，冇抱有太大期望，我反而係幾期待嘅，點知大家都好失望😢酒樓分三樓、四樓兩層~三樓係點心車仔同點心檔主要聚集嘅層數，所以茶客多數都會揀坐三樓，但三樓要搭枱，茶錢會平少少，每位 $12~四樓裝修相對三樓來講會新少少，但就得兩架點心車仔，停係近門口嘅角落頭位，點心選擇較少，勝在唔洗搭枱，所以茶錢會比三樓貴少少，每位 $13~我地來到酒樓個陣已經係十點幾，三樓已經坐爆左，只能夠上四樓🤦♀️但慶幸空枱頗多，唔洗等位😂經理開左張卡仔俾你，就可以自己出去攞點心~比較值得留意係，呢度冇點心紙，你要食乜點心就自己去攞，三四樓你都可以攞嘅~我地首先係四樓攞轉點心試試先~🦐燒賣，明明係點心車攞返埋位就食，但食落口，凍嘅😤只食到中間豬肉味，完全係匪夷所思🤷♀️🦐蝦餃，微暖😕但蝦肉幾大舊，皮幾煙韌~🐮金錢肚，熱熱地嘅~幾大塊，同埋好入味，如果佢可以熱多少少就好啦~🐔鳳爪，呢個係姐姐推介嘅~都係呢四個點心最熱嘅一個，有煙嘅😂但我唔食鳳爪，味道上就評論
同朋友講起，大家都有D興趣，見今日放假，就去飲早茶了😎
朋友雖然有興趣，但只係平常飲茶嘅心態，冇抱有太大期望，
我反而係幾期待嘅，點知大家都好失望😢
酒樓分三樓、四樓兩層~
三樓係點心車仔同點心檔主要聚集嘅層數，所以茶客多數都會揀坐三樓，
但三樓要搭枱，茶錢會平少少，每位 $12~
四樓裝修相對三樓來講會新少少，但就得兩架點心車仔，停係近門口嘅角落頭位，點心選擇較少，
勝在唔洗搭枱，所以茶錢會比三樓貴少少，每位 $13~
我地來到酒樓個陣已經係十點幾，三樓已經坐爆左，只能夠上四樓🤦♀️
但慶幸空枱頗多，唔洗等位😂
經理開左張卡仔俾你，就可以自己出去攞點心~
比較值得留意係，呢度冇點心紙，你要食乜點心就自己去攞，三四樓你都可以攞嘅~
我地首先係四樓攞轉點心試試先~
🦐燒賣，明明係點心車攞返埋位就食，但食落口，凍嘅😤
只食到中間豬肉味，完全係匪夷所思🤷♀️
🦐蝦餃，微暖😕
但蝦肉幾大舊，皮幾煙韌~
🐮金錢肚，熱熱地嘅~
幾大塊，同埋好入味，
如果佢可以熱多少少就好啦~
🐔鳳爪，呢個係姐姐推介嘅~
都係呢四個點心最熱嘅一個，有煙嘅😂
但我唔食鳳爪，味道上就評論唔到了🙈
有第一轉經驗後，我地就諗住試下落三樓攞點心啦~點知行到電梯口，部長即刻截停我地，話唔好兩個人一齊行開😐
逼於無奈，我只能返埋位等……
咁如果得一個人來食，又冇點心紙劃點心，係咪唔可以落三樓攞點心呢？
我返埋位之後，部長仲同我講話其實四樓都有點心……
我真係好想直接同佢講，係啊，有點心啊，但凍架嘛😤
🥠炸芋角同🐮牛肉腸係三樓攞嘅~
🥠炸芋角都係懷舊點心，已經唔係度度有得食😢
呢度炸得幾香口，唔會好油膩👍
🐮牛肉腸質素一般，腸粉唔算滑🤷♀️
🐔雞紮，係四樓攞嘅，但朋友攞之前都有問過姐姐係咪熱先攞🤦♀️
呢個反而有D特別，佢冇平時食開嘅🐷火腿、🍠芋頭，但有大大塊🍄北菇同🐟魚肚😳
🐔雞肉都好滑，唔錯👍
春卷，冇乜特別，所以唔記得影相😂食到尾聲時，知道🥥椰皇燕窩燉鮮奶係呢度招牌，我就即刻落去三樓攞了😂
三樓點心檔場面好混亂，大家要搶點心😂
🥥椰皇燕窩燉鮮奶，呢個真係招牌，最好食嘅點心係佢😍
見餐牌有介紹係用澳洲奶做嘅~
食得出奶香，都好滑，冇得頂😍
🐷叉燒包，見人爭住攞，抱著唔好執輸嘅心態，攞埋一份😚
包幾軟熟，叉燒餡份量適中~
最後十樣野埋單共 $381~🍴食物上，有幾樣點心係幾出色嘅，但凍點心呢個，恕我無法接受😐
💁♀️服務亦都只係一般般🤷♀️
我同朋友都覺得今次只係食懷舊氣氛，唔會再有下次……
張貼
