創發潮州飯店

營業中

休息中

做咗幾拾年人，潮洲菜，打冷餸都食吾少，但潮洲翅就從來未食過，為圓心願，12月16日，同靚媽專誠到九龍城，呢間名氣食潮洲菜老店，一試潮洲翅是甚麽味道，因靓媽在公司團年飯局，巳食過多次潮洲翅，所以今晚就點了，鷄燉翅，及潮洲紅燒翅各一客，先講靚媽個鷄燉翅，味道係Ok嘅，翅嘅份量及配料亦對得住所收嘅價錢，但我個潮洲紅燒翅就不敢恭維，根本就係一碗豆粉羹，翅針可以数到有幾多條，味道咸到食完要洗腎，街邊D碗仔翅好食過佢九倍，呢個收$230嘅红燒翅，我就話$23都吾值，至於當晚所點其他菜色，個九菜花炒吊桶，和鹵水鵝片味道都可以,個炒魚麵就平平無奇，總結此店出品，絕對同此店名氣不成比例，唯一可取，就係此店侍應姐姐，對客有禮，工作勤快，斟茶換水，換碟效率甚高，所以此店係賣服務，吾係賣味道。