Givrés (已結業)

食得落肚嘅Givres 玫瑰花雪糕好食好耐㗎啦， 今晚食完飯經過見到又心心眼， 但真心覺得係貴嘅， 不過唔係成日食， 算啦， 一於試吓啦本身玫瑰花瓣可以揀1至3個flavours 我就揀咗 士多啤梨同杏桃味杏桃係外層， 初初食落去味道好酸， 但食食吓又覺得酸得嚟又好舒服喎， 內裡係士多啤梨， 士多啤梨好味道， 唔甜唔酸。 夏天食就最啱喇。 雪糕款式唔算多， 大約15-16款左右啦， 但今日無我鐘意嘅朱古力， 可能唔襯玫瑰花啦。 2 flavours要成$60 其實都算貴嘅， 雪糕 taste似意大利雪糕， 好軟好快溶， 所以要食好好快， 真係幾啖就食完。