一風堂 (蘭桂坊) (已結業)

先講等位情況一去到門口，見人山人海，籌號叫到六十幾，去派飛既機到一按，出黎既籌號去到差唔多一百！！！不過因為落大雨，所以唔想行黎行去先決定等！點知，無啦啦有人上到黎，飛都無拎，問個 staff 有冇一位，個 staff 直刻話：有呀！仲想帶佢入座，好彩我聽到，如果唔係乖乖地等可能要等多廿分鐘…由於等叫籌等左咁耐，個餐牌已經睇左廿次，所以入到座後好快就叫野食！叫左辛辣豬骨拉麵同煎餃子，點菜時服務員會問想要林 D 定硬 D 既麵，我揀左林身煎餃子先到，皮薄餡嫩，幾好味；推薦沾上餃子汁既同時夾一 D 蔥同薑蓉！餃子差不多食曬，辛辣豬骨拉麵就送到見呢到有唔少好評，到場又人頭踴踴，餃子又幾好味，對拉麵呢個生招牌食品自然滿心期待啦！！！！拉麵既精華，應該係個湯，所以第一時間就先飲啖湯：咦？再試多啖：點解…　無乜味既？仲有陣好似陳皮既怪味！麵係偏幼身，幾滑，但就無預期中既彈牙，感覺有少少似非常普通既大排檔既麵…將個辣醬撈勻後，再試個湯：都係無味既？？？？個餐牌話係柚子胡椒麵豉，但只係得陳皮同少少鹹，食唔到麵豉味，連辣味都無...配料份量少，有無乜好特別，湯亦唔係特別好，點解咁多人黎？好耐無試過食唔曬