寬巷子 (已結業)

朋友生日話好想食呢間，因為好出名， 早一個月前訂到話冇窗口位， 又唔係任食，價錢又唔平，仲要限時120分鐘。 冇可否認，佢嘅餐具好精緻， 食物嘅賣相亦都非常之靚， 但係食物嘅質素，就唔係話物有所值囉。揀咗鴛鴦煱 $ 338 (名稱：紅泥小染 及 東方美人)]枝仔冰 $ 78 ， 好細枝，味道一般。手工蛋皮 $ 88 , 味道普通。水蓮 $ 78壽司滑盛盒 $ 268 , 賣相係好靚 , 貴過真壽司，但又唔係咁好味侍應生好貼心話畀你聽，要焯 4分鐘，但係上面嗰件係牛肉，底嗰個係豬肉球，如果跟足佢做法，牛肉就就變咗過熟。就好似以下幅相咁😩玫瑰枝香 $ 168 , 只有賣相。澳拼重量和牛(大) $ 788 , 諗住食最貴呢款, 份量唔多預咗，點知灼完竟然係有渣同鞋，已經灼一陣都係咁，真係失望。有兩個魚缸，放咗幾隻龍蝦。環境唔錯嘅。雖然坐唔到窗口位，但係都係窗口位嘅隔離枱，都望到窗邊風景。😊總括嚟講： 環境係好，侍應生服務態度好嘅，食物賣相係靚，但質素真係一般，收咁嘅價錢，真係唔值，仲要限時 120分鐘。唔會再考慮幫襯囉。