鹿鳴春飯店 (已結業)

一早兩星期之前就book位, 一路都full, 真的要試一次睇下有幾好味!星期六晚上已經有近9成滿喇, 好多一家大細來食飯, 我地四個人叫左4樣野食:火腿津白 (津白好入味, 不過好幼條而且太淋, 火腿有點過咸!)干貝賽螃蟹 (幾好味道, 已經有d醋味在內)京燒羊肉 (最好食的一道, 皮脆肉淋, juicy, 下次可以再試)北京填鴨 (全場超過七成人都食, 好多隻鴨推出來切, 不過在老遠切, 都唔知係我地的就已經切左喇, 到來只係暖暖地, 跟來的麵皮又厚又唔熱, 只係食左兩舊已經好滯, 如果個麵皮可以薄一d, 一定好味好多!)最後本來叫左一客拔絲蘋果, 不過等左一個小時都沒有來, 吹左幾次都煮唔出來, 激死人, 一路睇住碗冰水變熱水...最後都係等唔到! 這店基本上沒有服務可言, 仲差過去茶餐廳, 不過食物就幾好, 可以搭救! 這店內的食物大部份都有分大,中, 小份量, 四個人食小份已經足夠, 而且可以試多一d菜式, 如果個雞湯翅可以有細份d就好喇!