燒肉石田屋 (世貿中心)

營業中

休息中

石田屋一直有朋友推薦，今次特登係銅鑼灣分店開幕來嘗新。我地叫左兩個dinner set，分別係基本同高級牛肉。牛肉質素好唔錯，神戶牛入口即化，份量十足，絕對唔會不夠飽。套餐中除了牛肉仲有前菜刺身、主食和甜品。本來以為同其他燒肉餐廳一樣，跟餐會附上日本珍珠米和味增湯，可以配搭燒肉，結果肉食晒等左20分鐘，提醒左waiter幾次先送上凍冰冰嘅冷麵和蛋花湯！呢個安排都幾有趣，無論季節同野食我都無expect過主食係凍嘅。如果係凍嘅，餐廳可以在介紹套餐order之前說明，因為餐牌寫作食事，所以無咁清楚，同中環分店都好大分別。同埋始終屋企人平時都唔食凍的主食。之後我地又等左15分鐘，甜品終於姍姍來遲，今次係凍菠蘿，可能我比較懶，一般燒完肉就想靜靜享受食物服務，估唔到waiter幫我換左燒烤網叫我自己燒菠蘿，所以後半段的晚餐食到有d吃力。餐廳人手有點不足，無辦法適當回應客戶需求。我希望餐廳可以睇到呢個feedback，改善套餐組合和服務，短期內我地應該不會再到訪，都比其他有興趣的朋友有個預期，一起幫石田屋進步。