Steak Bar (已結業)

上星期謙謙突然話我好耐冇同佢燒過野食， 我心諗燒咩呀？BBQ嗎？佢話唔係，問左好耐原來係講石燒，之後我就上網睇，見都幾多人好評 Steak Bar 就帶佢來食返餐。佢一來到已經話要自己order以下 兩份：⚛ 石燒薄切牛肉 ～ 呢一款薄切好岩謙謙， 薄薄一片比較易燒，輕輕兩三下已經快熟，你會見到有肉汁流出而且肉味濃， 輕點一下海鹽已經好正，謙謙自己燒再放上超多飯素的飯上，拌勻一起食，見到佢食得好開心，每食完一件又拿拿聲再燒，仲會燒完夾比我叫我食真係好warm。⚛ 吉列炸牛扒 ～ 我自己就鍾意吉列牛多d ，因為夠厚身，面層係麵包糠燒過後特別香脆咬落去有咬口唔會過腍，點一下醬汁再配飯食好滋味，好快就清哂成碗飯。呢到的配菜有沙律菜和豆腐都幾清新，飯前食唔錯。今餐謙謙好滿意。