西貢滿記甜品 (已結業)

首先多謝OR送出的兩張換票劵，可於假期與友人去看電影。套戲好唔好睇，暫不在此文評論。看戲後，本想搵個地方坐底飲杯咖啡，點知Palace Cafe爆滿、Caffe Vergnano 1882又無位，以致Agnes b 都要等，在揀無可揀情況下，去了我不太願意去的滿記食甜品。睇睇餐牌，我點了雪山楊枝甘露，對方則要芒果黑糯米，另加榴槤班戟及芒果糯米茲各一份。芒果糯米茲和榴槤班戟是現成貨，因此最快來。先吃味道較淡的芒果糯米茲，一份有三粒，其中一粒甚至已裂開，幸好無損其味道。糯米茲皮煙煙韌韌，面頭再鋪上椰絲增加口感，裡面既芒果肉新鮮，是不錯的選擇。雖然榴槤班戟有鮮榴槤肉，外皮的色澤與口感都幾好，不過始終嫌榴槤不夠"臭"，沒有那種陣陣飄香的快感。雪山楊枝甘露，其實是楊枝甘露加一個雪糕球，我選了雲尼拿味。是用上不錯的雪糕，雲尼拿味好香好有質感。可是，楊枝甘露的味道偏淡，本身甘露的清新味道出不了來，加上我很倒霉地吃了酸到眼都盲的芒果肉，這個配搭，不甚欣賞。問及友人的芒果黑糯米好食否，佢話極之好味喎。有冇咁誇張?!