101台式休閒餐廳 (千色匯) (已結業)

入荃灣買嘢行街，經過喱間台灣嘢就入去試面吓，本來都係下午茶時間冇咩特別期待要食幾咁好食嘅嘢，奈何佢嘅下午茶大部分都係米線，我要食米線我不如去隔離啦，所以我就原價叫咗個牛肉麵，望落去個樣係可以，點知一食嗰兩舊蘿蔔，嘩又多渣又硬，牛肉又乾柴，成碗嘢係得個味精牛肉湯同麵食得吓人，連小食麵唔想喺佢度食。然後嘢食唔掂就算，連員工都唔太掂，嗌嘢食時有個呀姐顧住企係出餐位禁電話，完全冇理堂食客，要幫其他落緊單嘅同事走過嚟幫我，落完單，基本上成餐飯都聽到禁電話個呀姐大大聲講嘢，仲係要講埋啲無謂嘢，當喱到街市咁，大佬俾個好啲嘅食嘢環境得唔得，嘢食已經唔掂仲要食飯都唔安樂。