牛の鍋日本料理

營業中

休息中

以前想响荃灣打邊爐，第一時間就會諗起呢間牛之鍋，因為佢幾多嘢食，啲牛、豬質素幾好，甜品又多樣化，其他食物種類都多，CP值頗高，不過依啲都係幾年前嘅事。最近幾次幫襯，發覺質素下降咗好多，嘢食少款式少之餘，佢主打嘅牛質素亦都開始下降。上星期諗住俾多次機會佢，嚟多次試吓，點知亦都係最差嘅一次。先講食物種類，好明顯冇咗好多嘢，丸類得嗰一兩隻，連墨魚丸同其他火鍋類包心丸都冇；再講牛豬羊質素，以前係一大大碟，牛都係有晒脂肪紋，依家嚟嘅係普通肥牛咁，好失望！我哋張枱算好，因為冇乜點漏單，隔籬枱食最貴嗰個set，漏單漏到七彩，要嘈到去類似經理嘅店員先有得食。我想話，如果繼續咁嘅經營方法，遲早都流失好多客，而我亦都唔會再幫襯呢間店舖！唯一可惜嘅係荃灣區少咗一間好嘅火鍋店。