影片
更多
2023-06-28
172 瀏覽
第一件事想講就係好難book，由於佢一入去一眼望哂！好細，單位4方形4個角，4張枱，係咁多。你可以想像佢可以做到幾多生意。所以如果要book請早d book。但雖然店仔細細，環境係好舒適，唔會因為想做多d生意，排到好密。當日我係Lunch黎，所以係食午市定食。平d，細份d，如果你夜晚黎食，以我呢d女仔胃嘅男人，好可能食唔哂！其實呢間野係主要食壽喜燒，不過佢午市定食得關東風，而我喜歡食關西風的。所以朋友就食關東風壽喜燒，我就叫燒肉定食。一入黎坐低，服務已經好好。荼一端上來就係第一個細節，係水密桃烏龍。邊到送嘅茶會係俾水密桃烏龍？完全唔駛叫野飲，滿滿茶香，我見旁邊食客都問侍應，呢個咩茶？咁香嘅？日本產 A5 和牛 100g 關東風壽喜燒鍋定食 －＄198先講少少基本野，關東同關西風有住根本性的分別，最簡單分就係關東係鍋煮的，關西係汁煎的。所以關東的就係呢種細個睇動畫會見到好似火鍋嘅果一種。你會以為100g牛太少，唔係！佢叫前菜到鍋入面嘅料都好足。一個人叫鍋，一個人叫燒肉就可以食哂煮同燒。壽喜燒的牛煮出來柔軟，油膩感冇咁重，壽喜燒湯汁增加了和牛的風味，有點甜甜的惹味！日本 A5 和牛燒肉定食
當日我係Lunch黎，所以係食午市定食。平d，細份d，如果你夜晚黎食，以我呢d女仔胃嘅男人，好可能食唔哂！其實呢間野係主要食壽喜燒，不過佢午市定食得關東風，而我喜歡食關西風的。所以朋友就食關東風壽喜燒，我就叫燒肉定食。
一入黎坐低，服務已經好好。荼一端上來就係第一個細節，係水密桃烏龍。邊到送嘅茶會係俾水密桃烏龍？完全唔駛叫野飲，滿滿茶香，我見旁邊食客都問侍應，呢個咩茶？咁香嘅？
日本產 A5 和牛 100g 關東風壽喜燒鍋定食 －＄198
先講少少基本野，關東同關西風有住根本性的分別，最簡單分就係關東係鍋煮的，關西係汁煎的。所以關東的就係呢種細個睇動畫會見到好似火鍋嘅果一種。你會以為100g牛太少，唔係！佢叫前菜到鍋入面嘅料都好足。一個人叫鍋，一個人叫燒肉就可以食哂煮同燒。壽喜燒的牛煮出來柔軟，油膩感冇咁重，壽喜燒湯汁增加了和牛的風味，有點甜甜的惹味！
日本 A5 和牛燒肉定食 $198
好喇！到我嘅燒肉定食！雖然係午市做緊$198，但份量都唔係叫好細。特別我想先講下d配料，前菜3款都係手作心機野，特別我要讚佢個蟹膏玉子燒，呢個野基本上可以獨立拆出黎賣。香港太多餐廳都係觀音頭掃把落，配料一堆垃圾唔預你食。呢個定食由前菜，主食加埋用黎撈牛肉嘅蛋都係蘭王。用心用料都一流！
牛肉佢就冇寫明係邊個縣嘅牛，但以價錢同我食開經驗睇就應該鹿兒島A5黑毛和牛。油香一貫豐富，入口有幸福的感覺，加上又有蘭王蛋加持，你黎小店享受到嘅，就係連鎖店做唔到嘅細節！要提一提，佢個飯都香，而且係無限添，只要同店員講就可以！所以唔存在食唔飽嘅可能。
總結係，呢間店滿滿是細節。我真係求下大家學識欣賞呢d細節，否則香港就冇哂優質小店了！
張貼
