影片
更多
2018-08-07
481 瀏覽
今日真係好開心可以食到呢間CP值高，又係用心經營既燒肉日本料理餐廳，真係絕對值得一試，絕對會令你覺得滿意 ~不過位於世貿中心13樓既佢，呢間牛禪燒肉日本料理係同SOI 18 THAI 泰國餐廳既門口連住既，因為都係出自同一個老闆架 >.< 所以大家要留意下，唔好入錯餐廳喔 ~ (當然門口會有職員協助你的)落左ORDER，等緊D美食黎既時候，梗係飲返杯先啦 ! 呢度有兩杯野飲，左邊既係龍眼冰 ! 無錯，係泰國既龍眼冰 ! 都幾特別架，因為正常一間日本料理餐廳又點會有泰國既龍眼冰飲品呢 ! 不過正正就係因為旁邊既泰菜原來係同屬一位老闆既，所以有少許泰國餐廳既餐飲都可以係日本料理呢邊搵到 ~呢杯龍眼冰既重點係，餐廳會將龍眼肉煲到完全出曬味，用曬當中既精華去比客人既，所以呢杯龍眼冰係極香濃，非常真材實料，你飲一啖就知架了 !!而右邊既係日本清酒，因為今晚我地叫左燒和牛既套餐，所以只要加同枱每位$100，就可以享受到餐廳呢個指定清酒放題 ! 任飲架 ! 重要呢款清酒既質素都唔差，好易入口，唔會太強烈既酒精味道，成為左今餐晚飯既重點之一 ! 一齊飲多兩杯先 !正當你以為呢個係日本料
今日真係好開心可以食到呢間CP值高，又係用心經營既燒肉日本料理餐廳，真係絕對值得一試，絕對會令你覺得滿意 ~
不過位於世貿中心13樓既佢，呢間牛禪燒肉日本料理係同SOI 18 THAI 泰國餐廳既門口連住既，因為都係出自同一個老闆架 >.< 所以大家要留意下，唔好入錯餐廳喔 ~ (當然門口會有職員協助你的)
12 瀏覽
0 讚好
0 留言
落左ORDER，等緊D美食黎既時候，梗係飲返杯先啦 ! 呢度有兩杯野飲，左邊既係龍眼冰 ! 無錯，係泰國既龍眼冰 ! 都幾特別架，因為正常一間日本料理餐廳又點會有泰國既龍眼冰飲品呢 ! 不過正正就係因為旁邊既泰菜原來係同屬一位老闆既，所以有少許泰國餐廳既餐飲都可以係日本料理呢邊搵到 ~
呢杯龍眼冰既重點係，餐廳會將龍眼肉煲到完全出曬味，用曬當中既精華去比客人既，所以呢杯龍眼冰係極香濃，非常真材實料，你飲一啖就知架了 !!
而右邊既係日本清酒，因為今晚我地叫左燒和牛既套餐，所以只要加同枱每位$100，就可以享受到餐廳呢個指定清酒放題 ! 任飲架 ! 重要呢款清酒既質素都唔差，好易入口，唔會太強烈既酒精味道，成為左今餐晚飯既重點之一 ! 一齊飲多兩杯先 !
10 瀏覽
0 讚好
0 留言
正當你以為呢個係日本料理之中，成日出現既燒雞泡魚乾，但原來佢係七味魚翅黎 ! 唔係講笑，重要$78就食到，咁特別又咁少有，真係無理由唔叫黎試下 ! 味道好香口，口感好有咬口，作為小食，真係一流
16 瀏覽
0 讚好
0 留言
明太子玉子燒 - $128 真係日本料理菜式之中，常見到的一款，因為真係好受大家歡迎，亦係傳統既日本料理代表作，厚厚既玉子燒本身已經好有層次
8 瀏覽
0 讚好
0 留言
屬於日本中上等食材既明太子就包住係玉子燒入面，令味道非常特別，口感好滿足
8 瀏覽
0 讚好
0 留言
呢度除左有和牛燒肉，日式刺身當然唔少得 ! 呢盤色彩十足既就係五品刺身，大部份都要必需提前2天致電查詢並預訂，因為全部都係由日本直送到餐廳架 !! 真係唔講得少，當中包括 $68 赤貝，$108 帶子刺身， $118 三文魚腩刺身 及 $432 拖羅 (4片)，全部都極新鮮又厚切架 !!
7 瀏覽
0 讚好
0 留言
呢個就更加不得了，佢係 $148 一隻既赤座蝦，係非一般既蝦，因為體型相當大，口感十足，味道濃厚重鮮蝦味，味道真係好鮮甜，完全冇得同平時已經覺得好大隻既赤蝦比較，就連賣相都已經更勝一籌，真係一分錢一分貨 (**記得必需提前2天致電查詢並預訂喔 !)
17 瀏覽
0 讚好
0 留言
當晚既主角之一，當然就係呢個極上和牛盛宴啦!! 只係睇佢擺盤同賣相都好吸引啦 !! 用黎盛放住和牛既碟，都係一隻牛黎既，因為盤上既和牛就係依照住牛既部位黎放既，咁客人咪知道食緊既果塊和牛係咩位既囉 ~ 好細心架都 ~
10 瀏覽
0 讚好
0 留言
睇下D和牛幾吸引 ! 一路燒，佢既肉汁同油脂就釋出，香氣四溢 ~ 真係每個部份既和牛都非常好味，每一滴油都有好香既和牛味道，成件牛既口感有幾正就真係唔洗講....每件和牛燒大約30秒左右，如果唔識控制火喉既話，星期一至四呢D平日時間，餐廳指都可以請店員幫忙燒一下的
6 瀏覽
0 讚好
0 留言
有食燒過和牛既朋友就知道了，如果只係食和牛，無一D蔬菜 / 白飯一齊食既話，就比較油膩一D，難消化 ~ 所以當晚我都叫左少少蔬菜食下，例如$55 既日本南瓜 及 $33既粟米，佢地燒出黎都好好食架 ~
5 瀏覽
0 讚好
0 留言
當然，都要試一下餐廳既熟食既，例如我本人幾鍾意既$58 - 免治雞肉棒，因為食落都幾有口感，燒到有點香脆既外層，連同一D日本醬油，入面軟身既免治雞肉，真係會令你覺得滿足架
8 瀏覽
0 讚好
0 留言
呢個牛油蘆筍炒野菌 - $88 都係蔬菜類唔錯既選擇，好香既牛油味滲曬落D蘆筍野菌入面，都真係唔錯，絕對會令你個胃會覺得舒服一點
總結係，呢間燒肉日本料理既CP值係幾高，一分錢一分貨，三五知己去食都絕對適合，因為銅鑼灣太多餐廳既選擇了，所以都不妨試試呢間啊
張貼
