影片
更多
2019-03-10
1029 瀏覽
早前見朋友Facebook 在這餐廳打卡，見到食物環境都唔錯，朋友極力推介。今日就一家四口來試試。這餐廳位於商業大廈二樓平台，可能星期六無人返工所以非常寧靜。只得幾枱客。餐牌食物選擇極多，除了生蠔，還有龍蝦，活青口，大蜆鍋等等海鮮，還有多款扒類，意粉，海鮮飯，沙律，湯，連Pizza都有。經理先介紹了個推廣生蠔半打及一隻龍蝦🦞特價$248。聽講係因為餐廳奪得飲食男女必食西餐廳第二名搞嘅Promotion。咁抵食當然要試。半打荷蘭生蠔No3, 唔係好大隻但好鮮甜。即時加追半打荷蘭No1大蠔。真係超大隻。賣$48一隻實在抵食，價錢同去日本超市買返屋企食差不多。隻龍蝦就唔算大隻，燒得唔錯。$248有一隻龍加半打生蠔算交足功課。突然見到隔離枱有枱客上左一客鵝肝😍即刻問侍應點解餐牌無。原來餐廳隔離另一間西餐廳是同一老闆，主打牛扒有鵝肝食。阿女即刻叫了一客！$78有一塊而且係厚切。另外侍應介紹埋一個蒜片安格斯牛柳粒！香噴噴熱辣辣好好咪。最後叫左個五式芝士Pizza。絕對比Pizza Hut 出色。埋單多口問句經理點解咁靜，佢話周未沒有上班一族一般都比靜。再加上落雨係差少少。整體食物，環境，服務都一流
張貼
